14گینگ گرفتار
کل برآمدگی مالیتی01 کروڑ 20لاکھ63ہزار500 روپے برآمد
جہلم پولیس نے گزشتہ ماہ میں ڈسٹرکٹ پولیس طارق عزیز سندھو کی کمانڈ میں ضلع جہلم میں امن و امان برقرار رکھنے، اغواء،قتل / اندھے
قتل،چوری،ڈکیتی،رابری جیسے سنگین نوعیت کے مقدمات کی ٹریسنگ،ملزمان کی گرفتاری، منشیات جیسی لعنت کے مکمل خاتمے، جرائم پیشہ عناصر کی بیخ کنی کی جس کے لئے جہلم پولیس دن رات مصروف عمل ہے۔ کمیونٹی پولیسنگ، بروقت انصاف کی فراہمی، لوگوں کے جان و مال کی حفاظت اور سیکورٹی مہیا کرنے کے لیے جہلم پولیس ہمہ وقت تیار ہے
گزشتہ ماہ میں قتل کے 04 مقدمات درج ہوئے جن میں 08 ملزمان کو گرفتار کیا گیا،
ریپ کے کل 10 مقدمات درج کئے گئے جن میں 01 ملزمان گرفتار کے گئے ، بچوں کے ساتھ ذیادتی کے 02 مقدمات درج کر کے 01 ملزم کو گرفتار کیا گیا۔
جہلم پولیس نےماہ اکتوبر میں کل51 مجرمان اشتہاریوں کو گرفتار کیا جن میں سےکیٹگری- اے کے 12جبکہ کیٹگری –بی کے 23مجرمان اشتہاری جبکہ 14 عدالتی مفروران کو گرفتار کیا گیا
جرائم برخلاف پراپرٹی میں14گینگز ٹریس کر کے36ملزمان گرفتارکئے گئے،جن سے برآمدگی مالیتی01 کروڑ 20لاکھ63ہزار500 روپے برآمد کی گئی۔
جہلم پولیس نے گزشتہ ماہ میں منشیات کے تدارک کے لئے ضلع بھر میں بھرپور کریک ڈاؤن کیا،منشیات کے 50 مقدمات درج کرکے 51 ملزمان کو گرفتارکیا جن کے قبضہ سےچرس 12 کلو 894 گرام، ہیروئن 07 کلو 960 گرام،آئس 06 کلو 647 گرام اور شراب کی 533 بوتلیں برآمد کی گئیں۔
غیر قانونی اسلحہ کے 18 مقدمات درج کر کے 18 ملزمان کو گرفتارکیا گیا ، جن سے پسٹلز 13 عدد ،گنز / رائفل 05 عدد اورگولیاں برآمد کی گئیں
قمار بازی کا 01 مقدمہ درج کیا گیا جس میں 06 ملزمان کو گرفتار کر کے،30 ہزار روپے نقدی،02 عدد موٹر سائیکل اور 07 عدد موبائل فونز برآمد کیے گئے
پیشہ ور بھکاریوں کے خلاف کریک ڈاؤن کرتے ہوئے 60 مقدمات درج کر کے 72 ملزمان کو گرفتار کیا گیا جن میں 37 مرد اور 35 عورتیں شامل ہیں۔
پتنگ بازی کا 01 مقدمہ درج کر کے 01 ملزم کو گرفتار کیا گیا جس سے 42 عدد پتنگیں برآمد کی گئی
ماہ اکتوبر میں جہلم پولیس خدمت مراکز سے شہریوں کوفراہم کی جانے والی مختلف سہولیات سے 8557 افراد نے استفادہ حاصل کیا،
ٹریفک قوانین کی خلاف ورزی پر کل8007 چالان کر کے51 لاکھ 88 ہزار 800 روپے کا جرمانہ کیا گیا اور ٹریفک قوانین کی خلاف ورزی کرنے پر 11 مقدمات بھی درج کیے گئے
ڈسٹرکٹ پولیس آفیسر جہلم نے ماہ اکتوبر میں ضلع بھر کے مختلف تھانوں اور دفاتر میں 246کھلی کچہریوں کا انعقاد کیا اور بذریعہ کمپلینٹ سیل شہریوں کی شکایات کو سنااور ان پر احکامات جاری کیے۔