ڈپٹی کمشنر جہلم میر رضا اوزگن کی زیر صدارت ڈسٹرکٹ ایمرجنسی بورڈ کا اجلاس

 ڈپٹی کمشنر جہلم میر رضا اوزگن کی زیر صدارت ڈسٹرکٹ ایمرجنسی بورڈ کا اجلاس منعقد ہوا جس میں ڈسٹرکٹ ایمرجنسی آفیسر جہلم انجینئر سعید احمد نے کرسمسں تقریبات کے انعقاد ، بڑھتے ہوئے ٹریفک حادثات کی روک تھام ، فائر سیفٹی پر عمل درآمد کے  متعلق بریفنگ دی۔

ڈپٹی کمشنر جہلم نے موجودہ ملکی صورتحال کو مد نظر رکھتے ہوئے ریسکیو 1122، پولیس، محکمہ صحت، سول ڈیفنس،اور دیگر  تمام محکمہ جات کو ہائی الرٹ رہنے کی تلقین کی اور کرسمَس کے موقع پر تمام وسائل کو بروئے کار لانے کی ہدایت کی۔

 1122 جہلم اپنے تمام تر وسائل کو بروئے کار لاتے ہوئے ضلع بھر میں موجود تمام چرچ میں ہونے والے تمام بڑے اجتماعات پر ایمرجنسی  کوریج فراہم کرے گا،

 اس موقع پر ڈسٹرکٹ ایمرجنسی آفیسر کا کہنا تھا کہ ریسکیو اس حوالے سے تمام انتظامات مکمل کر لئے گئے ہیں اور کسی بھی ناگہانی صورتحال کے لئے ریسکیو 1122 ہمہ وقت تیار ہے۔

 ریسکیو 1122 عوام کا اپنا ادارہ ہے، ہمارا مقصد عوام میں احساس تحفظ پیدا کرنا ہے، ریسکیو کے جوان پورے جوش و جذبہ کے ساتھ ہر وقت آفات سے نبردآزما ہونے کے لیے بھی تیار ہیں۔